21-уми Декабр оё дунё ба охир мерасад?

«Вен» яке аз рӯзномаҳои шветсарӣ хабари ҷолибе мунташир карда, ки бар асоси он дунё пас аз як моҳи дигар ба поён мерасад. Ба гузориши рӯзномаи свисӣ “parseek.com”, бар асоси тақвими Моё дар Шветсария як моҳ пас дунё ба поён мерасад.

Тавре Георг Этвошмед, коршиноси умури фирқаҳо дар Шветсария гуфтааст, пайравони ин фирқа дар ин кишвар ба таври ҷиддӣ худро барои ин рӯз омода мекунанд. Вай афзуда, ки пайравони онҳо дар ин минтақа чандест гушанишиниро ихтиёр карда ва ҳатто бархе аз онҳо дар ҳафтаи гузашта аз шуғлҳои худ истеъфо додаанд. Бар асоси дидгоҳи пайравони ин фирқа, дар ин рӯз яке аз кураҳои осмонӣ ба кураи замин афтода ва дунё ба поён мерасад. Бархе аз муътақидон ба тақвими Моё мехоҳанд шаби 21 декабр (аввали дай), ки бар ин асос охирин рӯзи тақвими дунёстро дар зери заминҳои атомӣ сипарӣ кунанд.

Ин дар ҳолест, ки тайи чанд рӯзи охир, чунин як суханҳо, ки гуё 21 декабр дунё ба охир мерасида бошад, миёни мардум паҳн шудааст. Дар Тоҷикистон низ чунин як овозае миёни занҳо ва хурдсолон ҷой дорад.

Ба ин хотир сомона дар ин маврид назари чанде аз рӯҳониёни кишварро гирифт, ки ҳоло пешкашатон мегардонем.

Ҳоҷӣ Акбар Тӯраҷонзода, рӯҳонии кишвар: «Дунё тибқи ақидаи мо, мусалмонҳо, як рӯз не як рӯз ба охир мерасад, аммо паёмбари Худо (с) бо нишонаҳои хурду бузург ба охир расидани дунёро баён кардааст. Яъне нишонаҳои хурд ин аст, бо омадани рӯзи қиёмат дузбачаҳо, ҳаромизодҳо, ғуломбачаҳо, бадахлоқӣ зиёд гардида, ҳатто фарзанд болои модару падари худ ҳукмрон мешавад. Нишонаҳои бузуг ин нузули ҳазрати Исо, нузули Даҷҷол, нузули ҳазрати Маҳдӣ аст. Яке аз нишонаҳое, ки то имрӯз амалӣ шуд, паёмбари Худо Муҳаммад (с), Китоби Қуръон, инҳо аз шавоҳидҳое ҳастанд, ки марҳилаи қиёмат ҳастанд. Дар як ҳадиси дагар низ паёмбар (С) гуфтааст: «Вақте ки Шумо мусалмони солеҳ бошед, дунё ба охир намерасад». Бинобар ин тибқи ақидаи мо, мусалмонҳо, ин як даъвои ботил аст. Ин ягона хусусиятҳои хосе ҳаст, ки танҳо Парвардигор медонад ба охир расидани қиёматро, на бандаҳо ва на малоикаҳои муқарраб медонанд.»

Зубайдуллоҳ Розиқ, раиси Акамедияи Исломии ҲНИТ: «Дар ин маврид илми ғайб аст, ин як илмест, ки он фаҳмишу донише, ки ҳаст онро Худо медонад, дигар ғайри Худо касе намедонад. Яке аз ҳамин мавзӯҳо, мавзӯи қиёмат аст, вақте дар сураи «Нозиот» низ омадааст, ки «Туро аз омадани қиёмат мепурсанд, ки кай ин воқеа мешавад, ин дар вазифаи ту нест. Донистани он ки қиёмат кай мешавад, ин баста ба Парвардигор аст, яъне касе ин чизро намедонад».

Вақте, ки ҳазрати Ҷабраил ба сурати як шахс омаду дар назди паёмбари Худо нишаст, чандин суолҳоро ба паёмбарамон дод, ки Ислом чӣ аст, Имон чӣ аст, сипас пурсид, ки қиёмат кай мешавад?-дар ҷавоб паёмбари Худо гуфт: «Дар ин масъала ман аз ту донотар нестам. Дар ин масъала ҳардуи мо баробар ҳастем». Ба ҳамин хотир ин суханоне, ки дар ҳамаи ҷо мегӯянд, ин чизҳои ҳавоӣ ва дурӯғ мебошад. Омадани Қиёматро танҳо Худованд медонад, ғайри Худо дар салоҳияти касе нест, ки ӯро донад. Ва ин надонистан ҳам ҳикмат дорад, яъне Худованд инсонро дар рӯи дунё офаридааст, то ки заминро обод кунад. Инсон махлуқи такомулёбанда аст ва ин такомул бо сайъу талош мешавад. Агар мисол мо як одамро гӯем, ки як моҳ пас ё як сол пас мемурад, ӯ тамоман аз фаъолият мемонад. Аз ин рӯ агар қиёматро дар вақташ Худованд, ки мегуфт, имрӯз мардум фаъолият намекарданд, замин обод намекарданд. Ба ҳамин хотир ин чизро Худованд пӯшида мондааст. Ба ягон кас ҳеҷ ишорае гузошта нашудааст барои қиёмат расидан.»

Домулло Маъруф, имом – хатиби масҷиди «Сари осиё»: «Ба охир расидани дунё мувофиқи ақидаи Исломӣ ҳаст, вале кай расидани дунё маълум нест. Инро танҳо Худо медонад, ба ҷӯз Ӯ касе инро намедонад.»

Саидумар Ҳусайнӣ, муовини раиси ҲНИТ: «Ба охир расидани дунё ин як сиррест, ки онро танҳо Худо медонад. Ва ин сирро ҳатто ба маҳбубтарин ва боваритарин шахсаш паёмбари Худо (с) нагуфтааст. Бинобар ин ҳеҷ кас ин илми ғайбро намедонад, ҳар касе, ки ба донистан даъво мекунад, беасос аст. Вале аз нигоҳи дини мубини Ислом бояд шахси муътақид ҳаррӯз эҳтимоли ба охир расидани дунёро дар интизораш бошад. Ва худ омодагӣ бигирад барои ба охир расидани дунё.

Хусусан паёмбари Худоро як саҳоба мепурсад, ки дунё кай ба охир мерасад?- дар ҷавоб паёмбар (с) мегӯяд: «Барои қиёмат чӣ омодагӣ дидаӣ, ки дар ғами ба охир расидани ин дунёиву дар қиёми қиёмат ҳастӣ? Яъне, беҳтар ин аст, ки ба ҷойи пурсидани чунин савол шумо худро ба ин рӯз омода кунед, зеро ҳар рӯз одамизод бояд интизори рӯзи қиёмат бошад.»

«Ва банда метавонам бигӯям, ки Алҳамдуллиллоҳ барои ин рӯз омодагии хуб дорам ва агар ҳамин рӯз дунё ба охир расида, як дунёи ҷадиди қиёмат барпо шавад мо ба орзӯи худ расидаем. Зеро орзӯи мо он дунё мебошад, ҳамаи ин заҳматҳое, ки дар ин ҷо мекашем ва ҳар талошҳое, ки мекунем ба хотири он аст, ки дунёи дигари мо обод шавад. Агар ин дунё ба охир расаду дунёи дигар баргузор шавад, хело шод ҳам ҳастем.»

  • amazonS3_cache: a:13:{s:47:”//tojikobod.eto-ya.com/files/2012/12/211212.jpg”;i:161;s:55:”//tojikobod.eto-ya.com/files/2012/12/211212-300×195.jpg”;i:161;s:53:”//tojikobod.eto-ya.com/files/2012/12/ks-asteroid1.jpg”;i:162;s:61:”//tojikobod.eto-ya.com/files/2012/12/ks-asteroid1-292×300.jpg”;i:162;s:51:”//tojikobod.eto-ya.com/files/2012/12/1fc3136805.jpg”;i:163;s:59:”//tojikobod.eto-ya.com/files/2012/12/1fc3136805-300×225.jpg”;i:163;s:48:”//tojikobod.eto-ya.com/files/2012/12/211212.jpg&”;a:1:{s:9:”timestamp”;i:1602445908;}s:45:”//cdn.eto-ya.com/tojikobod/2012/12/211212.jpg”;i:161;s:53:”//cdn.eto-ya.com/tojikobod/2012/12/211212-300×195.jpg”;i:161;s:51:”//cdn.eto-ya.com/tojikobod/2012/12/ks-asteroid1.jpg”;i:162;s:59:”//cdn.eto-ya.com/tojikobod/2012/12/ks-asteroid1-292×300.jpg”;i:162;s:49:”//cdn.eto-ya.com/tojikobod/2012/12/1fc3136805.jpg”;i:163;s:57:”//cdn.eto-ya.com/tojikobod/2012/12/1fc3136805-300×225.jpg”;i:163;}

ибрози назар